KWENTO NG ISANG GURO AT ESTUDYANTE

Isang text ang natanggap ng guro."Sir, bakit po ganun ang grade ko? (Sinabi ang pangalan at section)"


Hindi muna nagreply ang guro, wala naman kasi sa tabi nya ang record book at ang soft copy naman, nasa laptop nya sa bahay.


Makalipas ang ilang oras, nag txt uli ang estudyante. Nagtatanong na may halong pagkaduda sa grade nyang natanggap. Bakit daw ganun? Ang grade nya sa isang term ay 72, tapos 74, tapos ang final grade ay bagsak?

Luckily, nasa bahay na ang guro kaya he turned his laptop on to check the inquiry.

The teacher politely replied, explaining na sa isang term, ang grade nya ay 64 at hindi 74, kaya di na nahigit pa na makapasa sa final grade, kasi nga, bukod sa di ipinasa ang final exam, marami pang quizzes ang di rin ipinasa.

The student replied, insisting na hindi daw yun ang grade nya, 74 daw ang naipakita ng guro sa kanya noon.

Napakamot ng ulo ang guro, kahit sigurado sya sa kanyang nakita sa kanyang laptop, siniguro pa rin niya ulit ang pagtingin. This time, lahat ng pinanggalingan ng print-out na ipinakita sa kanila noon, at ang mga opisyal na grade ay masusi pa rin niyang sinuri. Ganoon talaga ang grade.

Inalam ng guro kung papaano nasabi ng estudyante na ang naipakita daw nya sa estudyante ay 74?

Ayun! Kaya pala, ang 74 na nakita ng estudyante ay isang component ng grade, na ang katabi nito ay ang term grade na 64.

Ipinaliwanag pa rin ito ng guro sa estudyante sa pamamagitan ng text.

Natanggap naman ito ng estudyante, at nagpaulan ng tatlong sunod sunod na text, nagmamakaawang ipasa daw sana sya.

Hindi na kinayanang sagutin ng guro ang text. Maaring dahil sa inis, pagkayamot o awa?

"Masakit sa mga guro ang magbigay ng bagsak na marka sa kanilang mga estudyante. Pero, kailangang maintindihan rin sana nila na ang grades ay hindi tawaran ng presyo sa Divisoria, na puhunan na ngang ibinebenta, tinatawaran pa."

October 29

Bunga ng Malikot na Pag-iisip

Tumango at makisang-ayon sa pakikinig ng isang kalagayang hango sa perspektibo ng nagkukuwento. Ang pagpapamulat sa iba pang aspeto ng kwento ay minsay naghuhudyat ng saradong isipan sa pagtanggap nito. Tumango at makisang-ayon sa pakikinig na may kasamang ngisi. February 24

================

"Kung sino man ang gumagawa ng pagpapakita ng kasiraan ng iba ay sumasalamin ng pansariling kakulangan sa buhay na sapilitang itinatago upang iba ang mapansin o makita at hindi sila." March 21

================

Malaki ang naitutulong ng mga dokumentong naitago na nagpapatunay ng katotohanan laban sa inakalang pangyayari ng iba na nagmumukha ng palusot para lang maisalba ang sarili sa tila 'di matanggap nilang pagkakamali. April 3

================

"Madaling magpatawad sa nagawang kasalanan,
Ngunit ang panaho'y kulang upang ito'y makalimutan.
Isa itong gabay na ayaw ng maranasan,
Na umulit ang kalagayan na nakapagpasugat ng kalooban."

- mula sa isang malikot na isipan July 12

===============

Nag-iisip at dumadaing noong gabing nakaraan,
Kung ano ano lang naman, ngunit mabigat ang nilalaman;
Sa gawaing ito, nakakapagpagal pala ng katawan,
Kayat ipinagpabukas na lang ang bigat na tangan tangan.

Sa pagmulat ng mata, isang kasagutan agad ang nakuha,
Makalipas ang ilang oras, isang alok na hindi hiningi ang bumulaga;
Bago matapos ang araw nadagdagan pa ang tila isa pang gantimpala,
Ang kasagutan nga naman, mabilis, at ihinahain agad NIYA.

- Mapagpaubayang Kawal September 10

=============

Unti-unti mo na bang pinuputol,
Ang tali sa punong kahoy na buhol-buhol?
Ipapakikita na sarili mo itong hatol,
O pwedeng may katabi kang nanuhol?


Paano pa nga ba ipagpapatuloy,
Ang pagkakagapos ng tali sa punong kahoy?
Mababakli at mababakli rin naman ito,
Dahil sa mga anay na halintulad sa iyo.

- Ang Tali sa Punong Kahoy October 6

=================
Sa paglipas ng isa na namang taon,
Ang mga panahon na nagdaan ay tinanggap ng mahinahon;
Naialis o nawalis ang mga nagkalat na tuyong sanga't dahon,
Habang sinisilayan ang mga bulaklak sa dapit hapon.

Ang lahat ng mga ito ay nakakagawian na,
Kahit ano man ang mangyari, kahit saan man ito banda;
Nakakatindig pa rin basta't may pananampalataya,
Naway sa mga susunod na taon, nandirito pa rin, humihinga. about 2 months ago